(R)evolución ou morte
Moverse para medrar.
Evoluir para non morrer.
Fuxir da enfermidade
do estancamento.
Desenferruxar
os mecanismos internos do soño.
Marchar. Mudar. Adaptarse.
E sobrevivir.
15/6/2006
A dor xorda
A dor xorda
pareu unha musa muda
que me tapa a cabeza
cun saco estilo Guantánamo
atado cunha cinta adhesiva
na que escribe un número
que non podo ver.
11/6/2006
Na miña torpe
Na miña torpe
e indecisa fuxida
desta sórdida prisión
sempre confundo o camiño
e remato volvendo
ao punto de partida.
